इलाका प्रशासन कार्यालय, इल, मुड्केचुलामा प्रणालीमार्फत् नागरिकता सेवा दिने कार्यको शुभारम्भ
2081-04-18
2081-04-18
- श्रावण १८, २०८१।
डोल्पा जिल्लाको दक्षिण पश्चिम भूभागमा वि.सं. २०७३ सालमा स्थापना भएको इलाका प्रशासन कार्यालय, इल, मुड्केचुलामा इन्टरनेट लगायतका पूर्वाधार नहुँदा प्रणालीमा आवद्ध गरी नागरिकता सम्बन्धि सेवा प्रवाह गर्न नसकिएकोमा जिल्ला प्रशासन कार्यालय,डोल्पाको निरन्तर प्रयासमा हाल गृह मन्त्रालयको नेटवर्कमा आवद्ध भई आवश्यक पूर्वाधार तयार तथा जडान गरी इलाका प्रशासन कार्यालय, इल, मुड्केचुलाबाट प्रणालीमार्फत् नागरिकता सेवा दिने कार्यको सुरुवात भएको छ। डोल्पा जिल्लाका प्रमुख जिल्ला अधिकारी श्री तुलसी प्रसाद दाहालज्यूले मिति २०८१/०४/१८ गते गर्भवती महिला सेवाग्राहीलाई पहिलो प्राथमिकता दिई इलाका प्रशासन कार्यालय, इल, मुड्केचुलामा सो कार्यको प्रारम्भ गर्नुभएको हो। यसबाट विशेषगरी मुड्केचुला र जगदुल्ला गाउँपालिकाका जनता प्रत्यक्ष लाभान्वित हुनेछन्।
